Ab aur bhi tarsaoge kya.......

Ab aur bhi tarsaoge kya

Jab dhadkan ruk jaye, tab aaoge kya
jab bichade the, to socha na tha,

itne din ki judai hogi,

Har saans tumhe choo kar hi aayi hogi

Ankhon mein teri hi parchayi hogi

jab aankhen tham jaye,tab aaoge kya

Ab aur bhi tarsaoge kya

---------------------------------------
Aansoon peekar, kab tak jee paoongi mein,

Kab tak in panno mein, tera chehra banaongi mein,

Door se bahut ho gayi baatein,

Ab aur chitthi likhwaoge kya

---------------------------------------
Tasveero se baatein karne lagoon,

har ahaat mein tumhe dhoondha karoon,

Jidhar dekhoon, tumhe dekhoon,

Har junoon ki had par karvaoge kya

Ab aur bhi tarssaoge kya

------------------------------------
Ab neend se dar lagta hain

jab sapno mein tum aaoge,

pal bhar ki vo khushi dekar, subah ko vapas jaoge

Ab zindagi bhar jagaoge kya

Ab aur bhi tarsaoge kya

----------------------------------------
Nahi dekha tumhe barso se, par itna to kah sakti hoon

vahi pyaar, vahi tadap aaj bhi is dil mein rakhti hoon

Ab uska imtihaan dilwaoge kya

Ab aur bhi tarsaoge kya

--------------------------------------
Hathon mein hanth tha

tera hi sath tha

ye zindagi tere sath beetein aisaa har zazbaat tha

har vo lamha yaad dilaoge kya

Ab aur bhi tarsaoge kya

------------------------------------
Din beetein, raatein beetein mahino saal guzar gaye

raasta dekhti rahi tumhara

Umar beet jaaye , tab aaoge kya

Ab aur bhi tarsaoge kya

------------------------------------------